Yuqori tezlikdagi temir yo‘l uchastkalarida harakat xavfsizligini ta’minlash doimiy nazoratda
2025-05-29 11:00:00 / Yangiliklar
Tadbir Toshkent markaziy temir yo‘l vokzalida boshlanib, unda avvalgi yig‘ilishda berilgan topshiriqlar ijrosi muhokama qilindi.
“O‘zbekiston temir yo‘llari” АJ boshqaruvi raisi o‘rinbosari, Idoralararo komissiyasi raisi o‘rinbosari А.Kamildjanov va Transport nazorati inspeksiyasi boshlig‘i o‘rinbosari А.Аbduraxmanovlar boshchiligida komissiya a’zolari harakat xavfsizligini ta’minlash borasida amalga oshirilgan ishlarni hamda mavjud kamchiliklarni nazorat qilib chiqdilar.
Temir yo‘l kesishmalari, yon atroflari ko‘zdan kechirildi. Yuqori tezlikdagi temir yo‘l uchastkasida yuk va yo‘lovchilar tashish xavfsizligi holati tahlil qilindi hamda aniqlangan kamchiliklarni bartaraf etish choralari bo‘yicha Toshkent, Buxoro, Qarshi MTU filiallari rahbariyati, tegishli xo‘jaliklar va mahalliy hokimiyat vakillariga tavsiyalar berildi.