Istiqbolli kadrlar tayyorlashda xorijiy stajirovkalar — bilim va tajriba manbai
2025-05-26 12:00:00 / Yangiliklar
Istiqbolli kadrlar zaxirasini shakllantirish dasturining navbatdagi bosqichi doirasida Vazirlik tizimidagi tashkilotlar xodimlari Xitoy Xalq Respublikasida ikki haftalik o‘quv stajirovkasida ishtirok etishdi.
Dastur doirasida ishtirokchilar intellektual transport tizimlari, logistika sanoati imkoniyatlarini kengaytirish, transport infratuzilmasining rivojlanishi, jamoat transportining shaharsozlikdagi ahamiyati hamda raqamli texnologiyalarni joriy etish borasidagi Xitoy tajribasi bilan yaqindan tanishdilar.
Stajirovka davomida Xitoyning yetakchi sanoat korxonalari, ta’lim va ilmiy markazlariga tashriflar amalga oshirildi. Ushbu tashriflar chog‘ida o‘zaro tajriba almashish, savol-javoblar va mutaxassislar o‘rtasida muhokamalar tashkil etildi.