BOEING korporatsiyasi bilan hamkorlikda maxsus o‘quv seminari o‘tkazilmoqda
2025-03-24 16:00:00 / Yangiliklar
Seminar doirasida ishtirokchilar aviatsiya biznesining asosiy jihatlari, bozor tendensiyalari va aviatashuvlarni boshqarish strategiyalari bilan tanishishmoqda.
O‘zbekiston Fuqaro aviatsiyasi ma’muriyati va tashkilotlari, vazirlik, aviakompaniyalari va aeroportlarining rahbarlari va mutaxassislari uchun mo‘ljallangan o‘quv seminari 8 ta moduldan iborat bo‘lib, unda aviakompaniya strategiyalari va biznes modellari, bugungi kundagi bozor talablari, istiqbollari va yuk havo kemalarining samaradorligi, aviakompaniyalar iqtisodiyoti tarmog‘i va havo kemalar flotini rejalashtirish, moliyaviy qiymat tahlillari hamda havo kemalarini moliyalashtirish mavzularida interaktiv dasturlar va taqdimotlar bilan boyitilgan.
O‘zbekistonda aviatsiya sohasida faoliyat olib boradigan mutaxassislar malakasini oshirish maqsadida tashkillashtirilgan dastur 100 ta ishtirokchilar uchun mo‘ljallangan bo‘lib, seminar yakunida ishtirokchilar “The Boeing Company” tomonidan malaka oshirganlik to‘g‘risidagi maxsus sertifikatlar bilan taqdirlanadi. Toshkent davlat transport universitetida o‘tkazilayotgan seminar 27-mart kuniga qadar davom etadi.