Transport vazirligida bayram tadbiri
2025-03-07 12:00:00 / Yangiliklar
Oila va jamiyat ustuni, hayotimizning fayzi va ko‘rki bo‘lgan xotin-qizlarni e’zozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan va shunday bo‘lib qoladi.
O‘zbekiston Respublikasi Transport vazirligi Markaziy apparatida 8-mart – Xalqaro xotin-qizlar kuni bayramiga bag‘ishlangan tantanali tadbir bo‘lib o‘tdi. Unda vazirlik rahbariyati, xotin-qizlar jamoasi hamda vazirlik xodimlari ishtirok etdi.
Tadbir ishtirokchilarini Transport vaziri Ilhom Maxkamov qutlar ekan, mamlakatimiz iqtisodiyotining asosiy tarmoqlaridan biri bo‘lgan transport tizimida bugun yuzlab ayollar samarali mehnat qilib kelayotganligini alohida ta’kidlab o‘tdi.