Urganch shahrida yangi avtobuslar aholiga xizmat ko‘rsatishni boshladi
2024-12-04 23:55:00 / Yangiliklar
Davlatimiz rahbarining 2023-yil 16-fevraldagi PQ-59-son qarorida belgilangan vazifalar ijrosi doirasida Urganch shahrida aholiga sifatli jamoat transporti xizmati ko‘rsatishni yo‘lga qo‘yish, harakat tarkibini yangilash, yo‘lovchilarga qo‘shimcha qulayliklar yaratish maqsadida 50 ta zamonaviy “Zhong Tong” avtobuslari olib kelingan edi.
Xarid qilingan zamonaviy avtobuslar Urganch shahar ichidagi 6 ta avtobus yo‘nalishlariga joylashtirilib, bugun 4 - dekabr kunidan aholiga xizmat ko‘rsatishni boshladi.
Yangi avtobuslar quyidagi yo‘nalishlarda harakatlanmoqda:
3-sonli “Urganch xalqaro aeroporti – Urganch temir yo‘l vokzali”;
4-sonli “25-sonli maktab – Urganch dehqon bozori”;
6-sonli “Hojiboylar mahallasi – Urganch tuman shifoxonasi”;
7-sonli “Jambul mahallasi – Urganch shahar Tez yordam shifoxonasi”;
18-sonli “Navro‘z shaharchasi – Urganch dehqon bozori”;
28-sonli “Urganch dehqon bozori – Navro‘z shaharchasi”.