20-mart kuni hududlarda jamoat transporti qatnovi boshlanish vaqti to‘g‘risida ma’lumot
2026-03-19 20:00:00 / Yangiliklar
Ramazon hayiti bayrami munosabati bilan 2026-yil 20-mart kuni respublikamizning barcha hududlarida jamoat transporti ish faoliyati odatdagiga nisbatan bir necha soat oldin boshlanadi.
Xususan, Andijon, Sirdaryo, Samarqand va Surxondaryo viloyatlarida avtobuslar yo‘nalishlarda soat 04:00 dan qatnovlarni boshlaydi.
Qoraqalpog‘iston Respublikasi, Farg‘ona, Namangan, Jizzax, Buxoro, Navoiy, Qashqadaryo, Xorazm va Toshkent viloyatlarida esa soat 05:00 dan.
Ushbu o‘zgarish barcha shahar ichi brutto avtobus yo‘nalishlari hamda shahar atrofi avtobus yo‘nalishlariga taalluqli. Jamoat transporti ish grafigi ushbu o‘zgarishga mos ravishda muvofiqlashtiriladi.