Urganch shahriga 16 dona zamonaviy avtobuslar olib kelindi.
2026-02-23 10:30:00 / Yangiliklar
Davlatimiz rahbarining 2023-yil 16-fevraldagi PQ–59-son qarorida belgilangan vazifalar ijrosi doirasida Xorazm viloyatida aholiga ko‘rsatilayotgan jamoat transporti xizmatlari sifatini yanada yaxshilash maqsadida zamonaviy avtobuslar olib kelish ishlari davom ettirilmoqda.
Xususan, Urganch shahridagi “Opel-Trans” MChJ tomonidan XXRda ishlab chiqarilgan 16 dona "ASIASTAR" rusumli zamonaviy avtobuslar olib kelindi. Mazkur avtobuslar Urganch shahar ichi yo‘nalishlariga brutto-shartnoma asosida joylashtirilishi rejalashtirilgan.
Shuningdek, viloyatda jamoat transporti xizmatlari sifatini oshirish maqsadida Qo‘shko‘pir tumanidagi “Zargar Voha Trans” MChJ tomonidan 12 dona hamda Xonqa tumanidagi “Asil Javohir Bek” MChJ tomonidan 5 dona "Jac Sunray" rusumli mikroavtobuslar olib kelindi va mazkur yangi mikroavtobuslar shahar atrofi yo‘nalishli taksi yo‘nalishlariga joylashtirilgan holda yo‘lovchilarga xizmat ko‘rsatadi.