Oʻzbekiston Respublikasi Transport vazirligi

Uchrashuvda tomonlar o‘zaro integratsiyalashgan transport-logistika tizimini yaratish, mintaqaviy hamkorlikni mustahkamlashga yordam beradigan masalalar hamda qo‘shma loyihalarni muhokama etishdi.

Vazir Ilhom Maxkamov O‘zbekiston transport-logistika va yo‘l infratuzilmasini rivojlantirish borasida mamlakatlar o‘rtasida strategik sheriklikni yangi bosqichga olib chiqishga tayyor ekanligini bildirdi.

I.Maxkamov bu borada “O‘zbekiston – Turkmaniston – Eron – Turkiya” xalqaro multimodal koridorini rivojlantirish ustuvor vazifa ekanligini, shuningdek, “Xitoy – Qirg‘iziston – O‘zbekiston” barpo etilayotgan yangi temir yo‘lini mavjud xalqaro transport koridorlariga, shu jumladan Eron va Turkiya orqali yo‘nalishlarga integratsiyalashni hozirdan boshlash zarurligini alohida ta’kidlab o‘tdi.

Shuningdek, I.Maxkamov Janubiy yo‘nalishda yuk tashuvlari hajmi oshirish uchun eng avvalo yo‘nalish bo‘ylab joylashgan barcha mamlakatlar transport infratuzilmasini va tranzit imkoniyatlarini o‘zaro kelishgan holda bir-biriga hamohang rivojlantirish zarur ahamiyat qaratdi.

Mamlakatlarning tranzit imkoniyatlaridan to‘laqonli foydalanish, milliy tashuvchilar uchun teng imkoniyatlar yaratish maqsadida vazir I.Maxkamov quyidagilarni taklif qildi:

▪️yo‘nalish bo‘ylab yuk tashuvlarida muammoli masalalarni biznes vakillarini jalb qilgan holda o‘rganish va tahlil etib borish;

▪️transport infratuzilmasini va tranzit imkoniyatlarini oshirish bo‘yicha qo‘shma dastur ishlab chiqish;

▪️yuk tashuvlarida raqamli hujjatlarni joriy etish va o‘zaro almashinuv hamda tan olishni yo‘lga qo‘yish;

▪️Oldindan xabardor qilish tizimini joriy qilgan holda chegaralardan o‘tishni maksimal darajada soddalashtirish.

Tomonlar uchrashuvda muhokama etilgan masalalar bo‘yicha hamkorlik aloqalarini izchil davom ettirish va keyingi qadamlarni belgilash maqsadida ekspertlar darajasida Ishchi guruh tuzishga kelishib oldilar.