Transport vazirligida korrupsiyaga qarshi kurashish masalalari bo‘yicha yig‘ilish o‘tkazildi
2026-01-27 14:30:00 / Yangiliklar
2026-yil 27-yanvar kuni O‘zbekiston Respublikasi Transport vazirligida davlat fuqarolik xizmatchilariga taqdim etiladigan sovg‘alar bilan bog‘liq tartiblarni tushuntirishga bag‘ishlangan yig‘ilish bo‘lib o‘tdi. Unda Korrupsiyaga qarshi kurashish agentligining buyrug‘i ijrosi yuzasidan belgilangan talablar muhokama qilindi.
Yig‘ilishda sovg‘alarni qabul qilish, ularning qiymatini aniqlash, ro‘yxatga olish va tasarruf etish tartiblari, shuningdek manfaatlar to‘qnashuvi va korrupsiyaviy xavflarning oldini olish masalalariga alohida e’tibor qaratildi. Mas’ul bo‘linmalarga doimiy nazoratni kuchaytirish va tushuntirish ishlarini tizimli olib borish vazifalari belgilandi.
Transport vazirligi korrupsiyaning har qanday ko‘rinishiga qat’iyan qarshi ekanini hamda qonuniylik, ochiqlik va korrupsiyaga nisbatan murosasiz munosabat tamoyillariga sodiqligini yana bir bor tasdiqlaydi.