Oʻzbekiston Respublikasi Transport vazirligi

Tadbirda yuridik xizmat xodimlari tomonidan yil davomida amalga oshirilgan ishlar sarhisobi, kelgusida bajarilishi belgilab olingan vazifalar atroflicha muhokama etildi. Tanqidiy ruhda o‘tgan ochiq muloqotda yuridik xizmat xodimlari yo‘l qo‘yayotgan kamchiliklar, huquq ijodkorligi jarayonida e’tibor berilishi lozim bo‘lgan jihatlarga to‘xtalib o‘tildi.

Yuridik bo‘lim boshlig‘i Sardor Gafarov huquqni qo‘llash borasidagi kamchiliklarni bartaraf qilish yuzasidan amalga oshirilishi lozim vazifalar, mehnat munosabatlarini tartibga solish sohasidagi normativ-huquqiy hujjatlar ijrosini tashkil qilish, kasb etikasi talablariga rioya etish, amaliyotda kelib chiqayotgan muammolar va huquqiy bo‘shliqlarni inobatga olgan holda sohaga oid qonunchilik hujjatlarini takomillashtirish yuzasidan tashabbus ko‘rsatish ishlarini jadallashtirish lozimligini alohida ta’kidlab o‘tdi.

Tadbirda qonunchilik talablari buzilishini oldini olgan holda sud muhokamalarini kamaytirish, sud ishlarida tashkilot manfaatlarini samarali himoya qilish, qonunchilik hujjatlarining korrupsiyaga qarshi ekspertizasini samarali amalga oshirilishini tashkil etish, xodimlar va sohada faoliyat olib borayotgan tadbirkorlik subyektlari huquqiy savodxonligi va madaniyatini oshirish bo‘yicha ishlarini yanada kuchaytirish bo‘yicha tegishli ko‘rsatmalar berildi.