Oʻzbekiston Respublikasi Transport vazirligi

Toshkent davlat transport universiteti hamda Janubiy Koreyaning Koreya aerokosmik universiteti hamkorligida uchuvchilarni tayyorlash bo‘yicha imzolangan qo‘shma ta’lim dasturi (1+2+1) asosida “Havo kemalarining parvoz ekspluatatsiyasi” yo‘nalishi bo‘yicha hozirda 1-kursda 27 nafar hamda 2-kursda 13 nafar talaba tahsil olmoqda.

Mazkur dastur 2023-yilda Transport vazirligi tashabbusi bilan tashkil etilgan bo‘lib, zamonaviy talablar asosida xorijiy tajribaga asoslangan holda uchuvchilik bo‘yicha O‘zbekiston milliy kadrlari zaxirasini yaratishga qaratilgan.

Uchrashuv doirasida talabalarning o‘quv jarayoni, yashash sharoitlari, ta’lim dasturini o‘zlashtirish ko‘rsatkichlari atroflicha o‘rganildi va talabalar muloqot tashkil etildi. Talabalar o‘z fikr-mulohazalari, takliflari hamda o‘qish jarayonida yuzaga kelgan savol va muammolarini bayon qilishdi.

Universitet rahbariyati tomonidan ularning har bir murojaati eshitildi va tegishli yechimlar yuzasidan tavsiyalar berildi. Shu bilan birga, talabalar qo‘shimcha qo‘llab-quvvatlash imkoniyatlari haqida ma’lumot oldilar.

Uchrashuv davomida TDTU delegatsiyasi KAUning o‘quv kampusi, talabalar turar joylari, o‘quv laboratoriyalari va infratuzilmalarini ko‘zdan kechirib, sharoitlar bilan yaqindan tanishishdi.

TDTU rahbariyati talabalarning xorijdagi ta’limi samarali, xavfsiz va barqaror davom etishi uchun universitet tomonidan barcha zarur shart-sharoitlar yaratilishini ta’kidladi.