Transport vazirligi jamoasi xayriya donor aksiyasida ishtirok etdi
2025-12-03 15:00:00 / Yangiliklar
Qon donorligi — bu marhamat ko‘rsatish, insoniy mas’uliyatning yuksak namoyishi va hayot qutqarishga qo‘shilgan bebaho hissadir.
Ba’zida aynan bir tomchi qon boshiga musibat tushgan inson uchun yangi hayot imkoniyati bo‘lib xizmat qiladi.
3-dekabr kuni, Xalqaro nogironlar kunida, Respublika qon quyish markazida "Bor mehrimiz senga, bolajon" shiori ostida navbatdagi xayriya aksiyasi o‘tkazildi. Tadbirga Transport vazirligi va uning tasarrufidagi tashkilotlar xodimlari ham qo‘shildi. Ular ehtiyojmandlar manfaati uchun ixtiyoriy ravishda qon topshirish tashabbusini ilgari surdilar.
Mazkur aksiya transport sohasining ijtimoiy mas’uliyatini va xodimlarning ijtimoiy ahamiyatga molik tashabbuslarga shaxsiy hissa qo‘shishga intilishini yana bir bor tasdiqladi.