Transport vazirligi va OTB gender tenglikni mustahkamlash bo‘yicha hamkorlikni kengaytiradi
2025-11-26 16:00:00 / Yangiliklar
Uchrashuvda transport sohasiga gender tenglik tamoyillarini integratsiya qilishning hozirgi holati, vazirlik tomonidan OTB bilan hamkorlikda amalga oshirilayotgan tashabbuslar, transport sohasida xotin-qizlar ishtirokini oshirishga qaratilgan yangi hamkorlik yo‘nalishlari muhokama etildi.
Tomonlar mamlakat transport tizimida gender tengligini ta’minlash yo‘lida qo‘shma tashabbuslarni yanada rivojlantirish, sohada xotin-qizlarni har tomonlama qo‘llab-quvvatlash, ularning ijtimoiy faolligini oshirishga qaratilgan yo‘nalishlarni belgilab oldi.
Uchrashuv yakunida tomonlar hamkorlikdagi ishlarni davom ettirish muhimligini ta’kidlab, transport sohasida gender sezgirligi va inklyuzivlikni oshirish borasida hamkorlikni yanada chuqurlashtirishga tayyor ekanliklarini bildirdi.