Guliston shahri jamoat transporti to‘liq ekologik toza avtobuslar bilan yangilandi
2025-11-24 10:00:00 / Yangiliklar
Hududlarda aholining hayot sifatini yaxshilash maqsadida jamoat transporti tizimini rivojlantirish masalasiga alohida e’tibor qaratilmoqda.
Davlatimiz rahbarining 2023-yil 16-fevraldagi PQ–59-son qarorida belgilangan vazifalar ijrosi doirasida Guliston shahrida aholiga sifatli jamoat transporti xizmati ko‘rsatishni yo‘lga qo‘yish maqsadida zamonaviy avtobuslar olib kelinishi davom etmoqda.
Xususan, yo‘lovchi tashish faoliyati bilan shug‘ullanuvchi "Guliston Inter Futbol" MChJ tomonidan korxonalar tomonidan 52 dona YUTONG rusumli zamonaviy avtobuslar olib kelindi.
Joriy yil boshidan shaharga olib kelingan avtobuslarning umumiy soni 72 taga yetdi. Mazkur avtobuslar shahar ichidagi 7 ta yo‘nalishda brutto-shartnomasi asosida yo‘lovchilarga xizmat ko‘rsatadi.
Natijada shahardagi jamoat transporti harakat tarkibi to‘liq ekologik toza avtobuslar bilan yangilashga erishildi.