Oʻzbekiston Respublikasi Transport vazirligi

Unda vazirlik tizimidagi ichki tartib-qoidalar va odob-axloq me’yorlariga amal qilish holati atroflicha tahlil qilindi. Xususan, mehnat intizomi buzilishi, xizmatga kechikish, kiyinish madaniyatiga rioya qilmaslik kabi qator kamchiliklar muhokama markazida bo‘ldi.

Tadbirda Komissiya a’zolari va mas’ullar so‘zga chiqib, kasbiy madaniyatni shakllantirish, jamoatchilik ongida davlat xizmatchisiga bo‘lgan hurmat va ishonchni oshirish, davlat xizmatchilarining odob-axloq qoidalariga qat’iy amal qilish zarurligini ta’kidlashdi.

O‘zbekiston Respublikasi Vazirlar Mahkamasi tomonidan tasdiqlangan “Davlat fuqarolik xizmatchilarining odob-axloq qoidalari” hamda vazirlikda amal qilinayotgan “Ichki mehnat tartib-qoidalari” asosida xodimlarning kundalik ish faoliyati baholandi.

Shuningdek, yig‘ilishda to‘ylar, oilaviy tantanalar, ma’raka va marosimlarning haddan tashqari dabdabali o‘tkazilishi, mehmonlar soni ko‘paytirilishi holatlari, ortiqcha isrofgarchilikni oldini olish masalalari muhokama qilindi. Oilaviy tadbirlarni dabdabalarsiz, ixcham va milliy qadriyatlarimizga mos ravishda o‘tkazish zarurligi ta’kidlandi.

Jamiyatda sogʻlom maʼnaviy muhitni mustahkamlash, ortiqcha isrofning oldini olish va milliy qadriyatlarga asoslangan meʼyoriy hayot tarzini shakllantirishda davlat xizmatchilari boshqalarga namuna bo‘lishi lozimligi qayd etildi.  

Yig‘ilish yakunida mavjud muammolarni bartaraf etish va xodimlar o‘rtasida intizomni kuchaytirishga qaratilgan qator chora-tadbirlar belgilandi. Jumladan, monitoring natijalarini vazirlik tarkibidagi yig‘ilishlarda keng muhokama qilish, jamoaviy nazoratni kuchaytirish va xodimlarga nisbatan talabchanlikni oshirish bo‘yicha topshiriqlar berildi.

Komissiya a’zolari bu kabi yig‘ilishlarning muntazam o‘tkazilishi mehnat muhitini sog‘lomlashtirish, shuningdek, davlat xizmatchilarining mas’uliyatini oshirishda muhim omil bo‘lib xizmat qilishini alohida ta’kidlashdi.