Oʻzbekiston Respublikasi Transport vazirligi

Forum turkiy dunyo mamlakatlari va hamkor mamlakatlarning davlat idoralari, xalqaro tashkilotlar, tashuvchilar uyushmalari va logistika kompaniyalari rahbarlarini birlashtirgani mintaqaning jahon savdosi va tranzitidagi o‘sib borayotgan rolini tasdiqlaydi.

Forumda integratsiya jarayonlarini jadallashtirish, transport yo‘laklarini kengaytirish, ochiqlik, ishonch va o‘zaro manfaatdorlik tamoyillariga asoslangan yagona logistika ekotizimini shakllantirish zarurligini ta’kidlandi.

Ochilish marosimidan so‘ng forum o‘z ishini transport-logistika sohasini rivojlantirishning dolzarb masalalariga bag‘ishlangan to‘rtta panel sessiyasi shaklida davom ettirdi:

1-panel sessiyasi: "Qo‘shma operatorlar va infratuzilmani yaratish istiqbollari: Qo‘shma logistika xablari va markazlari";

2-panel sessiyasi: "Elektron hujjat aylanishiga o‘tish: xalqaro tashuvlarga joriy etish va integratsiyalash";

3-panel sessiyasi: "Chegaralarni kesib o‘tish va tartib-taomillarni soddalashtirish: muammolar va yechimlar";

4-panel sessiyasi: "Dengiz transporti va port infratuzilmasini rivojlantirish: global tendensiyalar, mintaqaviy muammolar va logistika zanjirlarining o‘zgarishi".

Birinchi panel muhokamasi transport o‘zaro bog‘liqligini mustahkamlashda O‘rta koridorning roliga bag‘ishlandi. Qo‘shma operatorlar, industrial-logistika markazlari va xablarini tashkil etish, shuningdek, dengiz, temir yo‘l va avtomobil yo‘nalishlarini integratsiyalash istiqbollariga alohida e’tibor qaratildi.

Ikkinchi sessiyada ekspertlar port va quruqlik infratuzilmasini rivojlantirish, dengiz tashuvlarining zamonaviy tendensiyalari va global logistika zanjirlarining o‘zgarishi masalalarini muhokama etishdi. Ishtirokchilar yuk oqimlarini optimallashtirish uchun investitsion hamkorlik, terminal quvvatlarini modernizatsiya qilish va ilg‘or texnologiyalarni joriy etish muhimligini ta’kidlashdi.

Tadbirning alohida qismi transport sohasini raqamlashtirish - elektron hujjat aylanishini joriy etish, raqamli platformalarni integratsiyalash, tartib-taomillarni avtomatlashtirish va bojxona operatsiyalarini soddalashtirish masalalariga bag‘ishlandi. Muhokamalarda transport vazirliklari, bojxona xizmatlari, temir yo‘l kompaniyalari, IT-kompaniyalar va xalqaro tashkilotlar vakillari ishtirok etishdi.

Mazkur forum mintaqa davlatlarining Yevrosiyo yo‘nalishlari raqobatbardoshligini oshirish, multimodal yechimlarni rivojlantirish va savdo-tranzit zanjirlari barqarorligini ta’minlashga qaratilgan transport hamkorligining yangi darajasini shakllantirishga intilishini namoyish etmoqda. E’tibor markazida iqtisodiyot va biznes manfaatlari yo‘lidagi amaliy qadamlar va uzoq muddatli yechimlar turibdi.