Xorijdagi yurtdoshlarimiz doimiy e'tiborda
2026-01-20 09:30:00 / Yangiliklar
Migratsiya agentligining Koreyadagi vakolatxonasi tomonidan ushbu mamlakatda vaqtincha mehnat faoliyatini olib borayotgan yurtdoshlarimiz uchun profilaktik-ma’rifiy tadbir tashkil etildi.
📄 Tadbirda O‘zbekiston Respublikasi Musulmonlar idorasi vakillari onlayn formatda ishtirok etib, xorijda bo‘lib turgan fuqarolarning turli yot g‘oya va zararli oqimlarga kirib qolmasligi, milliy va ma’naviy qadriyatlarga sodiq qolish, shuningdek, qonuniy va tinch mehnat faoliyatini olib borish masalalari yuzasidan ma’ruzalar qildilar.
🛡 Shu bilan birga, ishtirokchilarga Koreyaning migratsiya qonun-qoidalari, mehnat huquqi va majburiyatlari, ish joyida qonunga xilof holatlarga duch kelganda qanday yo‘l tutish lozimligi tushuntirildi.
🫶 Bundan tashqari, xorijda ishlayotgan va ishlashni rejalashtirayotgan fuqarolar uchun O‘zbekistonda mavjud imtiyozlar, qo‘llab-quvvatlash mexanizmlari hamda davlat tomonidan ko‘rsatilayotgan xizmatlar haqida ham batafsil ma’lumot berildi.