Muxtor Ashrafiy va O‘rol Tansiqboyev uy-muzeylari ta’mirlash uchun yopildi
2025-06-23 17:00:00 / Yangiliklar
Joriy yilning 26-mayidan 2-sentabrgacha Madaniy meros agentligi tizimidagi atoqli san’at arboblarining uy-muzeylarida ta’mirlash-tiklash ishlari olib borilishi, isitish va sovitish tizimlarini to‘liq qayta ishga tushirish munosabati bilan ularning faoliyati vaqtincha to‘xtatildi.
Ta’mirlash ishlari davomida uy-muzeylar fondi, u yerda saqlanayotgan eksponatlar, ishchi xodimlarning mehnat faoliyati, ekspozitsiyalarni yangilash hamda tashkiliy masalalar bo‘yicha barcha ishlar Madaniy meros agentligi tomonidan nazoratga olinadi. Tashrif buyurishni rejalashtirayotgan mehmonlarimiz uchun Toshkent shahridagi boshqa uy-muzeylari o‘z faoliyatini davom ettirayotganini ma’lum qilamiz.
Ma’lumot uchun, ta’mirlash-tiklash ishlari yakunlangach, atoqli san’at arboblarining uy-muzeylari o‘z faoliyatini yangilangan ekspozitsiya, zamonaviy talablar asosida va qulay sharoitda davom ettiradi. Yangiliklarimizni kuzatib boring.