Joriy yilning 3–5-iyun kunlari O‘zbekiston Respublikasi Madaniy meros agentligi huzuridagi Ilmiy-ekspert kengashining navbatdagi majlisi Qashqadaryo viloyatining Shahrisabz shahrida bo‘lib o‘tadi.

Ushbu uch kunlik yig‘ilishda Kengash a’zolari tomonidan madaniy meros obyektlarini asrab-avaylash, ularni ta’mirlash, rekonstruksiya qilish va zamonaviy talablarga muvofiq holda saqlab qolish bo‘yicha 40 qa yaqin dolzarb loyihalar ko‘rib chiqilishi rejalashtirilgan.

Majlis kun tartibidan qator muhim masalalar o‘rin olgan. Ular orasida Toshkent viloyati, Ohangaron tumani, “Susam” MFY hududida joylashgan diqqatga sazovor “Payg‘ambar ota” maskanini obodonlashtirish, “Payg‘ambar ota” masjidini qayta qurish, Samarqand shahrida joylashgan “Xon Said Imom” masjidining ikkinchi bosqich ta’mirlash-tiklash ishlari kabi loyihalar shular jumlasidandir.

Ilmiy-ekspert kengashi a’zolari tomonidan ko‘rib chiqiladigan loyihalar yuzasidan batafsil ma’lumotlar bilan Madaniy meros agentligining rasmiy veb-sayti orqali tanishish mumkin.