O‘zbekiston Respublikasi Madaniy meros agentligi

Madaniy meros agentligi direktorining birinchi o‘rinbosari Elmurod Najimov boshchiligidagi komissiya  tomonidan:

— “Temiryo‘lchilar madaniyat saroyi”

— “Temir yo‘l vokzali”

— “Toshkent temir yo‘l va transport muhandislik instituti”

— “Toshkent xalqaro aeroporti”

— “Janubiy vokzal”

— “Temir yo‘l boshqarmasi” binolarida Davlat nazorati tadbirlari o‘tkazildi.

Tadbir davomida “Temir yo‘l vokzali”ning shimoli-sharqiy qismida qonunchilikka zid ta’mirlash ishlari aniqlanib, ular zudlik bilan to‘xtatildi.

“Toshkent xalqaro aeroporti” va “Janubiy vokzal”dagi noyob mozaika kompozitsiyalarini restavratsiya qilish hamda asl qiyofasini saqlash bo‘yicha topshiriqlar berildi.

“Temiryo‘lchilar madaniyat saroyi”dagi ta’mirtalab qismlarni tiklash vazifasi belgilandi, obyekt qiyofasiga salbiy ta’sir qilgan reklama bannerlari olib tashlandi.

Shuningdek, “Toshkent temir yo‘l va transport muhandislik instituti”da rejalashtirilayotgan ishlar bo‘yicha loyiha hujjatlarini Agentlik bilan kelishish zarurligi ta’kidlandi.

Aniqlangan qonunbuzilish holatlari bo‘yicha materiallar huquqni muhofaza qiluvchi organlarga taqdim etiladi.