“Marjon ohanglari” — zargarlik san’ati ko‘rgazmasi
2026-02-04 12:10:00 / Yangiliklar
Xalqaro zargarlar kuni munosabati bilan O‘zbekiston amaliy san’at va hunarmandchilik tarixi davlat muzeyida joriy yilning 30-yanvar kunidan boshlab “Marjon ohanglari” nomli zargarlik san’ati ko‘rgazmasi o‘z ishini boshladi. Mazkur ko‘rgazmada Buxoro va Samarqand zargarlik an’analariga mansub eksponatlar, qimmatbaho toshlar bilan bezatilgan milliy taqinchoqlar namoyishga qo‘yilgan.
Shuningdek, ko‘rgazma doirasida muzey fondiga oid eksponatlar asosida ikki ko‘hna shaharga xos an’anaviy zargarlik uslublari, qimmatbaho va yarim qimmatbaho toshlar bilan bezatilgan milliy taqinchoqlar namoyish etilmoqda. Ekspozitsiya o‘zbek zargarlik san’atining badiiy-estetik xususiyatlari, ustoz-shogird an’analari va ajdodlardan-avlodlarga o‘tib kelayotgan hunarmandchilik maktablarining o‘ziga xosligi yoritib berilgan.
Mazkur ko‘rgazma 2026-yilning 10-fevraliga qadar davom etadi. Ish vaqti: har kuni soat 09:00 dan 18:00 gacha.
Manzil:Toshkent shahar, Yakkasaroy tumani, Rakatboshi ko‘chasi, 36-uy.
Eslatib o‘tamiz, ko‘rgazmani tomosha qilish bepul, tashrif buyuruvchilar faqat muzey chiptasini xarid qilishlari lozim.