Navoiy viloyati IIB rahbariyati joylarda kriminogen vaziyatni oʻrganish va aholiga sifatli xizmat koʻrsatishni taʼminlash maqsadida Qiziltepa tumanida boʻldi
2025-11-05 09:00:00 / Yangiliklar
Oʻrganishlar avvalida mutasaddilar tuman markazidagi Madaniyat va istirohat bogʻida boʻlib “Xavfsiz tun” profilaktik-nazorat tadbirlariga jalb etilgan xodimlar bilan suhbatlashdi.
Unda tadbirlarni sifatli tashkil etish, sergak va tezkorlikni yoʻqotmaslik, jinoyatchilik va huquqbuzarliklarni oldini olish yuzasidan bir qator tavsiyalar berdi.
Soʻng Bozor va savdo markazlari, aholi gavjum joylarda tungi xizmatni olib borish va unda ahamiyat qaratilishi muhim jihatlar sanab oʻtilib, targʻibot tadbirlarini kuchaytirish lozimligi taʼkidlandi.
Shuningdek viloyat IIB boshligʻi kuz-qish mavsumida aholiga xizmat koʻrsatish sifatini yaxshilash, favqulodda holatlarni oldini olish maqsadida hudud gaz va elektr tarmoqlari korxonalarida boʻlib mutaxassislar bilan navbatchilik faoliyati va zaxira xom ashyolari koʻzdan kechirilib, mavjud kamchiliklarni bartaraf etish lozimligi aytib oʻtildi.
Navoiy viloyati IIB Axborot xizmati