Ichki ishlar vazirligi rahbariyati tomonidan Toshkent mintaqasida temir yoʻl transportida xavfsizlikni taʼminlash boshqarmasi xodimlariga bir qator vazifalar belgilandi
2025-11-03 13:00:00 / Yangiliklar
Ichki ishlar vaziri oʻrinbosari general mayor Baxodir Yuldashevich Mirzaraximov Toshkent mintaqasida temir yoʻl transportida xavfsizlikni taʼminlash boshqarmasi xodimlarining xizmat faoliyati yaqindan koʻzdan kechirilib, Toshkent shahar va viloyat hududlaridan oʻtuvchi temir yoʻl izlarida baxtsiz hodisalarning barvaqt oldini olish, xususan, temir yoʻlga yaqin joylashgan korxona va tashkilotlar, taʼlim muassasalari, temir va vokzal ishchilari, yoʻlovchi fuqarolar oʻrtasida huquqbuzarlik va jinoyatlarning oldini olish va ularning profilaktikasi, jamoat tartibini saqlash, fuqarolar hushyorligi va ogohligini oshirish, amaldagi oʻtkazilayotgan profilaktik tadbirlarni samarali targʻib etish, shu bilan birga xizmatga jalb qilingan xodimlar oʻrtasida ijro intizomi, qonunchilik talablariga qatʼiy rioya qilishlari, xodimlarning xizmat faoliyati ustidan kunlik nazoratni kuchaytirish borasida bir qator vazifalar belgilandi.
Shu bilan bir qatorda vazir oʻrinbosari tomonidan vokzal hududlarida yoʻlovchi fuqarolar uchun yaratilgan sharoitlar koʻzdan kechirilib, temir yoʻl ishchilari va masʼullar tomonidan xizmat koʻrsatish sifatini yaxshilash, yoʻlovchi fuqarolar tomonidan yuzaga kelgan muammolarni xodimlar tomonidan tezkorlik bilan hal etilishi, shuningdek, Respublikasi hududlarida yoʻlovchi poyezdlar orqali mamlakatimizga tashrif buyurayotgan oliy martabali mehmonlar hamda chet el turist fuqarolarining sayyohlik namoyishi obyektlari hududlariga eltuvchi poyezdlarda jamoat tartibini saqlash, yuzaga kelgan muammolarda boshqarma xodimlarining tezkorlik bilan hal etilishi borasida bir qator koʻrsatmalar berildi.
Shuningdek, xizmat vazifasiga sidqidildan yondashib, jinoyatchilikka qarshi kurashish va huquq-tartibotni taʼminlash borasida hamkasblari orasida oʻrnak boʻlib kelayotgan bir qator xodimlarga Ichki ishlar vazirligining koʻkrak nishoni hamda tashakkurnomalar bilan bir guruh xodimlar taqdirlandi.
Shu bilan bir qatorda uzoq yillar davomida samarali mehnat qilib, vatan tinchligi va osoyishtaligi yoʻlida xizmat qilgan bir guruh xodimlar tantanali ravishda nafaqaga kuzatildi.
IIV Transport va turizm obyektlarida xavfsizlikni taʼminlash departamenti Axborot guruhi