Navoiy viloyati Karmana tumanida oila-turmush doirasida sodir etilgan jinoyat keng jamoatchilik bilan muhokama etildi
2025-11-01 11:40:00 / Yangiliklar
Navoiy viloyati prokurori hamda Viloyat IIB boshligʻi ishtirokida Karmana tumani “Katta Machit” MFYda sodir etilgan jinoyat yuzasidan muhokama yigʻilishi boʻlib oʻtdi.
Mahalla faollari, nuroniylar hamda tegishli mutasaddi tashkilot vakillari ishtirok etgan mazkur muhokamada jinoyatning kelib chiqish sabablari, uning oqibatlari hamda bunday holatlarning oldini olish choralari atroflicha muhokama qilindi.
Shuningdek, oila muqaddasligi, farzandlar tarbiyasiga eʼtiborli boʻlish lozimligi xususida soʻz yuritildi.
Masʼullar tomonidan har qanday jinoyatga jazo muqarrar ekanligi, bir lahzalik jahlga erk berishning salbiy oqibatlari tushuntirildi. Yigʻilish davomida fuqarolar bilan profilaktik suhbatlar, nazorat tadbirlarini kuchaytirilgan tartibda olib borish yuzasidan topshiriqlar berildi.
Navoiy viloyati IIB Axborot xizmati