“25-oktyabr — Ichki ishlar xodimlari kuni munosabati“ bilan IIV Transport va turizm obyektlarida xavfsizlikni taʼminlash departamenti bir guruh xodimlari ragʻbatlantirildi
2025-10-28 09:05:00 / Yangiliklar
Mazkur tadbir Oʻzbekiston Respublikasi Davlat madhiyasi bilan boshlanib, soʻng vazir oʻrinbosari general-mayor Mirzaraximov Baxodir Yuldashevich tomonidan Yurtboshimiz Mirziyoyev Shavkat Miromonovich hamda Ichki ishlar vazirining “25-oktyabr – Ichki ishlar organlari xodimlari kuni” bayram tabrigi oʻqib eshittirildi.
Soʻng, Tadbir davomida xizmat vazifalarini vijdonan bajarayotgan, jamoat xavfsizligini taʼminlash, fuqarolar tinchligi va osoyishtaligini saqlash yoʻlida alohida faollik koʻrsatgan Oʻzbekiston Respublikasi Prezidentining Farmoni bilan mukofotlangan Samarqand viloyati Transportda xavfsizlikni taʼminlash boshqarmasi Samarqand aeroportida xavfsizlikni taʼminlash boʻlinmasi boshligʻi podpolkovnik Xudoyberdiyev Sherzod Sayfulloyevich “Shuhrat” medali davra markazida topshirildi.
Shuningdek, Transport va turizm obyektlarida xavfsizlikni taʼminlash departamenti markaziy apparati hamda hududiy boshqarma va boʻlinmalarining bir guruh xodimlariga Ichki ishlar vazirining buyrugʻi bilan, “Aʼlo xizmatlari uchun”, 1chi 2chi 3chi -darajali “Ichki ishlar organlarida benuqson xizmatlari uchun”, koʻkrak nishonlari, hamda Ichki ishlar vazirining “Faxriy yorligʻi”, esdalik qoʻl soati, qimmatbaho kitoblar toʻplami va pul mukofotlari, Ipotekaga olingan uy-joyning 25% miqdorida boshlangʻich summasi 25 nafar xodimlarga tantanali ravishda topshirildi .
Hamkorlik borasida olib borayotgan samarali mehnatlari uchun Oʻzbekiston Respublikasi Transport Prokurori tomonidan 8 nafar xodim ragʻbatlantirildi.
Taqdirlash marosimida koʻrsatilgan eʼtibor va hurmat ichki ishlar organlari xodimlarining mehnatini munosib qadrlash bilan birga, ularni kelgusida ham yuksak natijalarga erishishga chorlaydi.
IIV Transport va turizm obyektlarida xavfsizlikni taʼminlash departamenti Axborot xizmati