Namangan viloyati IIB rahbariyati tomonidan Uychi tumanida joylashgan 6-son tergov hibsxonasi faoliyati oʻrganildi
2025-10-27 09:00:00 / Yangiliklar
Namangan viloyati ichki ishlar boshqarmasi rahbariyati tomonidan jinoyat protsessining adolatli va qonuniy amalga oshirilishi, saqlovdagi shaxslar huquq va manfaatlarini himoya qilish maqsadida Uychi tumanida joylashgan 6-son tergov hibsxonasida oʻrganish ishlari olib borildi.
Oʻrganish jarayonida hibsxonadagi moddiy-texnika taʼminoti, saqlovdagi shaxslar uchun yaratilgan shart-sharoitlar, tibbiy xizmat koʻrsatish, oziq-ovqat bilan taʼminlash, kuz-qish mavsumiga tayyorgarlik hamda xavfsizlik qoidalariga rioya etilishi holati oʻrganildi.
Shuningdek, mahbuslar bilan suhbatlar oʻtkazilib, ularning taklif va muammolari tinglandi.
Saqlovdagi shaxslar uchun yaratilgan shart-sharoitlar va huquqiy kafolatlarni taʼminlash borasidagi ishlar samaradorligi tahlil qilindi.
Oʻrganish doirasida hibsxona rahbariyatga xodimlar tomonidan xizmat va ijrochilik intizomi hamda qonuniylikka qatʼiy amal qilish, ularning kasbiy, jismoniy va jangovar tayyorgarligini oshirish boʻyicha aniq topshiriq va koʻrsatmalar berildi.
Namangan viloyati IIB Axborot xizmati