Ichki ishlar vazirligi rahbariyati Navoiy viloyatida joylashgan 5-son jazoni ijro etish muassasasidagi amalga oshirilayotgan ishlar bilan tanishdi
2025-10-23 10:45:00 / Yangiliklar
Vazir oʻrinbosari jazoni ijro etish tizimida amalga oshirilayotgan islohotlar samaradorligini oshirish, mahkumlarni jamiyatga qaytarishga qaratilgan dasturlarni yanada takomillashtirish muhimligini taʼkidladi. Shuningdek, muassasadagi moddiy-texnika taʼminotini yaxshilash, kadrlar malakasini oshirish va zamonaviy axborot texnologiyalarini joriy etish masalalari yuzasidan masʼul rahbarlarga tegishli tavsiyalar berdi.
Uchrashuv jarayonida mahkumlar bilan ochiq muloqot oʻtkazilib, ularning muammo va takliflari tinglandi. Xususan, mehnatga joylashtirish, kasbiy malaka oshirish, taʼlim olish hamda sogʻlom turmush tarzini qoʻllab-quvvatlash masalalariga alohida eʼtibor qaratildi.
Tashrif yakunida Vazir oʻrinbosari muassasada olib borilayotgan ishlarga ijobiy baho berib, mahkumlarni qayta tarbiyalash va jamiyat hayotiga moslashtirish borasidagi ishlar izchil davom ettirilishini taʼkidladi. Shu bilan birga, fuqarolar huquqlarini taʼminlash, insonparvarlik tamoyillariga amal qilish va jazoni ijro etish tizimida ochiqlikni taʼminlash muhim vazifa ekanini qayd etdi.
Navoiy viloyati IIB Axborot xizmati