Andijon viloyatida Ichki ishlar vazirligi ishchi guruhi tomonidan tizimli oʻrganishlar olib borilmoqda
2025-10-23 10:25:00 / Yangiliklar
Ichki ishlar vazirligi rahbariyati tomonidan joriy yilning 19-oktyabr kungi hududiy ichki ishlar va kadrlar bilan taʼminlash, taʼlim jarayonini tashkil etish, xodimlarning jismoniy va jangovar tayyorgarligini oshirish borasida amalga oshirilayotgan ishlar ahvolini oʻrganish hamda yoʻl qoʻyilayotgan kamchiliklarni bartaraf qilish boʻyicha imzolangan reja-topshiriqqa asosan Ichki ishlar vazirligi ishchi guruhi tomonidan Andijon viloyatida oʻrganishlar olib borilmoqda.
Oʻrganishlar davomida IIB tizimidagi xodimlar bilan suhbatlar tashkil etilib, ularning xizmat jarayoni, moddiy-texnik taʼminot, jismoniy va jangovar tayyorgarlik darajasi, taʼlim muassasalarida oʻquv jarayonlarining tashkil etilishi, kadrlar tanlovi va tayyorgarligi holati sinchiklab tahlil qilinmoqda.
Shuningdek, xodimlar tomonidan xizmat intizomiga rioya etilishi, profilaktika va huquqbuzarliklarning oldini olish boʻyicha faoliyat samaradorligi yuzasidan ham atroflicha oʻrganishlar amalga oshirilmoqda.
Aniqlangan kamchiliklar va muammolar yuzasidan joyida tegishli koʻrsatmalar berilib, ularni bartaraf etish boʻyicha aniq vazifalar belgilanmoqda.
Ishchi guruh tomonidan oʻrganish ishlari davom ettirilmoqda.
Andijon viloyati IIB Axborot xizmati