Namanganda xodimlar uchun psixologik treninglar oʻtkazilmoqda
2024-04-13 10:20:00 / Yangiliklar
Oʻzbekiston Respublikasi Ichki ishlar vazirligining tegishli buyrugʻi hamda koʻrsatmasi talablari asosida Namangan viloyat ichki ishlar organlari xodimlarini axloqiy, ruhiy qoʻllab-quvvatlash hamda maʼnaviy-ruhiy muhitni oʻrganish maqsadida Boshqarma boshligʻining oʻrinbosari topshirigʻiga asosan koʻrsatma ishlab chiqildi.
Mazkur koʻrsatma ijrosini taʼminlash maqsadida Boshqarma Maʼnaviy-maʼrifiy ishlar va kadrlar bilan taʼminlash xizmati Maʼnaviy-maʼrifiy ishlar boʻlimi Psixologik taʼminlash guruhi xodimlari tomonidan Namangan viloyati IIBning hududiy boʻlimlarida xizmat qilayotgan xodimlar oʻrtasida soʻrovnomalar oʻtkazildi.
Soʻrovnoma natijalariga koʻra hududlarda xodimlarning ekstremal va favqulodda vaziyatlar yuzaga kelishi mumkin boʻlgan holatlarda oʻzini boshqara olish hamda tezkor qaror qabul qila olish qobiliyatlarini yanada oshirishga koʻmaklashuvchi psixologik seminar-treninglar oʻtkazilmoqda.
Namangan viloyati IIB Axborot xizmati