O'zbekiston Ichki ishlar vazirligi va Koreya Milliy politsiya agentligi o'rtasidagi o'zaro hamkorlikning ustuvor yo'nalishlari muhokama qilindi
2024-04-12 15:35:00 / Yangiliklar
Unda 2024-yilga mo'ljallangan ikki davlat huquq-tartibot idoralari o'rtasidagi hamkorlikning ustuvor yo'nalishlari muhokama qilindi.
Uchrashuv ishtirokchilari huquq-tartibot idoralari o'rtasidagi hamkorlikni rivojlantirishda barqaror va ijobiy dinamika kuzatilayotganini alohida ta'kidladilar. Qayd etilganidek, ikki davlat mutaxassislari o'rtasida videokonferensiyalar, uchrashuvlar va o'zaro tashriflar muntazam ravishda o'tkazib kelinmoqda. Shuningdek, Janubiy Koreya tomoni O'zbekiston huquq-tartibot idoralari mutaxassislari uchun kiberjinoyatchilikka qarshi kurashish va jamoat xavfsizligini ta'minlashda zamonaviy axborot texnologiyalaridan foydalanish masalalariga bag'ishlangan seminar va mahorat darslarini muntazam tashkil qilmoqda.
Tomonlar keng ko'lamli yo'nalishlarda o'zaro hamkorlik va tajriba almashishni yana-da faollashtirish masalalari xususida ham fikr almashdilar.
Yakunda joriy yil davomida ikki tomonlama hamkorlikni yanada chuqurlashtirishga qaratilgan aniq tadbirlarni tashkil etish bo'yicha kelishuvga erishildi.