Namangan viloyati IIB Ekspert-kriminalistika xodimlarining malakasi oshirildi
2025-10-17 11:55:00 / Yangiliklar
Trening dasturi hodisa joyini koʻzdan kechirish tartibi, ashyoviy dalillarni olish va qadoqlash, tezkor-qidiruv tadbirlari va tergov harakatlari davomida kriminalistik texnika va vositalardan foydalanish boʻyicha amaliy hamda mahorat darslarini oʻz ichiga oldi.
Shuningdek, sud-fotografiyaning umumiy qoidalari, tergov harakatlari va tezkor-qidiruv tadbirlarida isbotlov bazasini shakllantirishning ahamiyati, portlash va yoʻl transport hodisalari bilan bogʻliq voqea joylarini koʻzdan kechirish tartibi hamda tintuv va tergov eksperimentlarini oʻtkazish yuzasidan nazariy maʼlumotlar berildi.
Mashgʻulotlar davomida yosh ekspertlar tomonidan berilgan soha boʻyicha savollarga javoblar berilib, amaliy koʻnikmalar mustahkamlandi hamda ekspert-kriminalistika xodimlarining kasbiy tayyorgarligi va samaradorligi oshirildi.
Namangan viloyati IIB Axborot xizmati