O‘zbеkiston Rеspublikаsi Ichki ishlаr vаzirligi

Jumladan, boshqarma boshligʻi rahbarligidagi ishchi guruh Namangan shahrida boʻlib, tungi xizmat yoʻnalishlari hamda ijtimoiy soha obyektlarining faoliyati atroflicha oʻrganildi.

Dastlab, “Boburshoh” koʻchasida joylashgan “Talabalar turar joyi”da olib borilgan oʻrganish jarayonida talabalarga yaratilgan shart-sharoitlar, ularning xavfsizligi va borasida koʻrilgan chora-tadbirlar oʻrganildi. Shuningdek, mazkur obyekt uchun masʼul profilaktika inspektorlari bilan hamkorlik tizimi tahlil qilindi.

Bundan tashqari, “Lola”, “Boburshoh”, “Boʻston”, “Haqiqat”, “Ilgʻor”, “Zarbdor”, “Ziyokor” va “Qadamjo” mahallalarida xizmat olib borayotgan patrul-post xizmati xodimlariga yoʻriqnoma oʻtkazilib, xizmat intizomi hamda fuqarolar osoyishtaligini taʼminlash borasida aniq koʻrsatmalar berildi.

Shuningdek, “Obihayot”, “Nurafshon”, “Baynalminal”, “Ravnaq” va “Dashtbogʻ” mahallalariga xizmat koʻrsatuvchi 1-son “Huquq-tartibot maskani” xodimlarining tungi faoliyati oʻrganilib, jinoyatchilikning oldini olish, mahallalarda xavfsiz muhitni mustahkamlash va fuqarolar bilan ishlash samaradorligini yanada oshirish boʻyicha topshiriqlar berildi.

Shu bilan birga, “Sardoba”, “Zarkent”, “Zarafshon”, “Mehribonlik”, “Majnuntol”, “Yangiobod”, “Alpomish” va “Obod” mahallalarida xizmat olib borayotgan profilaktika inspektorlari, patrul-post xizmati hamda Qoʻriqlash boʻlimi xodimlari, shuningdek, shahar markaziy koʻchalarida harakat xavfsizligini taʼminlayotgan yoʻl patrul xizmati inspektorlariga ham yoʻriqnoma oʻtkazilib, ularning faoliyatini samarali tashkil etish boʻyicha zarur koʻrsatmalar berildi.

Mazkur yoʻnalishdagi oʻrganishlar tizimli ravishda davom ettirilmoqda.

Namangan viloyati IIB Axborot xizmati