Buxoroda xalqaro voleybol musobaqalari qizgʻin pallaga kirdi
2025-10-17 07:45:00 / Yangiliklar
Buxoro shahridagi “Universal” sport majmuasida Markaziy Osiyo mamlakatlarining eng kuchli jamoalari ishtirokida oʻtayotgan “CAVA College University Volleyball Championship 2025” xalqaro musobaqalari qizgʻin pallaga kirdi.
Mazkur musobaqalarga Buxoro viloyati Ichki ishlar boshqarmasi boshligʻi tashrif buyurib, oʻyin jarayonlarini shaxsan kuzatdi. Tadbir davomida u sportchilar bilan muloqot qilib, musobaqa ishtirokchilariga omad va yuqori natijalar tiladi.
Qizgʻin bahslar, doʻstlik va sport ruhida kechayotgan mazkur xalqaro turnir yoshlar oʻrtasida sogʻlom raqobatni kuchaytirish, sport orqali mintaqaviy hamkorlikni mustahkamlash va Oʻzbekistonning sport salohiyatini namoyish etishga xizmat qilmoqda.
Buxoro viloyati IIB Axborot xizmati