IIV Qorovul qoʻshinlari qoʻmondonligiga qarashli Toshkent viloyatida joylashgan 7534-harbiy qismda profilaktik yigʻilish oʻtkazildi
2025-10-16 18:55:00 / Yangiliklar
Huquqbuzarliklar profilaktikasi kuni munosabati bilan, qoʻshinga qarashli 7534-harbiy qismda tadbir boʻlib oʻtdi. Tadbirda qoʻshin qoʻmondoni polkovnik Xasan Batirov ishtirok etdi.
Qoʻshin qoʻmondoni soʻngi vaqtlarda sohada Ichki ishlar organlari xodimlari va harbiy xizmatchilari tomonidan yoʻl qoʻyilgan salbiy holatlar, korrupsion jinoyatning ayanchli oqibatlari, qoʻpol intizombuzarliklar, ularning kelib chiqish sabablari hamda bunga imkon bergan shart-sharoitlarni shaxsiy tarkib eʼtiboriga yetkazdi.
Tadbir soʻngida barcha mutasaddi rahbar va mansabdor shaxslarga oʻz xizmat majburiyatlarini sidqidildan bajarishlari, boʻlinmalarida xizmat intizomi va qonunchilikka qatʼiy amal qilinishini taʼminlashlari, korrupsiyaga qarshi murosasiz muhitni shakllantirish lozimligini taʼkidlab amalga oshirilishi lozim boʻlgan vazifalar belgilab berdi.
IIV Qorovul qoʻshinlari qoʻmondonligi axborot guruhi