Buxoro viloyati transportda xavfsizlikni taʼminlash boshqarmasi xodimlariga bir qator ustuvor vazifalar belgilandi
2025-10-14 18:05:00 / Yangiliklar
Tashrif doirasida temir yoʻl stansiyalari, poyezd harakati boshqaruv punkti, signalizatsiya tizimlari va boshqa muhim infratuzilmalarning qoʻriqlanish holati koʻzdan kechirildi.
Shu bilan birga, begona shaxslarning temir yoʻl hududiga noqonuniy kirishining oldini olish, shuningdek, temir yoʻllarda sodir boʻlishi mumkin boʻlgan oʻgʻirlik va qonunbuzarliklarni barvaqt aniqlash boʻyicha amalga oshirilayotgan ishlar tahlil qilindi.
Aholi, ayniqsa yoshlar oʻrtasida temir yoʻllarda xavfsizlik qoidalarini tushuntirish, maktab va kollejlarda profilaktik uchrashuvlar tashkil etish, fuqarolar hushyorligi va ogohligini oshirish yuzasidan koʻrsatmalar berildi.
Shuningdek, xodimlar oʻrtasida ijro intizomini mustahkamlash, qonunchilik talablariga qatʼiy rioya etish, hamda xizmat faoliyati ustidan kunlik nazoratni kuchaytirish boʻyicha masʼul rahbarlarga tegishli topshiriqlar berildi.
Vazir oʻrinbosari tomonidan Buxoro viloyati orqali mamlakatimizga tashrif buyurayotgan oliy martabali mehmonlar va chet ellik turistlarning poyezdlar orqali sayohatini xavfsiz tashkil etish masalalariga ham alohida eʼtibor qaratildi.
Jumladan, sayyohlik namoyishi obyektlari hududlariga yoʻnaltirilgan poyezdlarda jamoat tartibini saqlash, huquqbuzarliklarning oldini olish, turistlarning mamnunligini taʼminlash va yuzaga kelgan muammolarni boshqarma xodimlari tomonidan tezkor hal etish boʻyicha bir qator koʻrsatmalar berildi.