Qashqadaryoda “Viloyat IIB boshligʻi kubogi” uchun voleybol musobaqasi boʻlib oʻtdi
2025-10-12 09:00:00 / Yangiliklar
Oʻzbekiston Respublikasi Prezidenti tomonidan qabul qilingan qaror ijrosini taʼminlash, yoshlarni sportga jalb etish, ularning sogʻlom turmush tarzini shakllantirish va boʻsh vaqtlarini mazmunli oʻtkazish maqsadida Qashqadaryo viloyatida “Viloyat IIB boshligʻi kubogi” uchun voleybol musobaqasi tashkil etildi.
Qarshi shahridagi Olimpiya va Paralimpiya tayyorlash markazida oʻtkazilgan musobaqada viloyatdagi oliy taʼlim muassasalari va huquqni muhofaza qiluvchi idoralar jamoalari ishtirok etdi. Unda 8 ta oʻgʻil bolalar va 4 ta qizlar terma jamoalari oʻzaro bellashdi.
Musobaqa yoshlarning jismoniy faolligini oshirish, sportga mehr va qiziqishini kuchaytirish, doʻstlik va hamjihatlik ruhini mustahkamlashga xizmat qildi.
Endi eʼtiboringizni faxrli oʻrin egalariga qaratamiz:
Oʻgʻil bolalar oʻrtasida:
Faxrli uchinchi oʻrinni — Qarshi davlat universiteti jamoasi,
Faxrli ikkinchi oʻrinni — DXX Qashqadaryo viloyat boshqarmasi jamoasi,
Faxrli birinchi oʻrinni esa — Xalqaro innovatsion universiteti jamoasi qoʻlga kiritdi!
Qizlar oʻrtasida:
Faxrli uchinchi oʻrinni — Iqtisodiyot va pedagogika universiteti jamoasi,
Faxrli ikkinchi oʻrinni — Xalqaro innovatsion universiteti jamoasi,
Faxrli birinchi oʻrinni esa — Qarshi davlat universiteti jamoasi qoʻlga kiritdi!
Gʻolib va sovrindor jamoalarga “Viloyat IIB boshligʻi kubogi”, diplomlar hamda esdalik sovgʻalari topshirildi.
Bu kabi sport musobaqalari yoshlar oʻrtasida sogʻlom raqobatni kuchaytirish, ularni jismonan baquvvat, maqsadga intiluvchan va vatanparvar shaxslar etib tarbiyalashga xizmat qilmoqda.
Qashqadaryo viloyati IIB Axborot xizmati