Navoiy viloyati IIBda Aralash jang sanʼatlari (MMA) sportini rivojlantirish va ommalashtirishga qaratilgan yigʻilish tashkil etildi
2025-10-11 16:05:00 / Yangiliklar
Dastlab, yigʻilish boshida Ichki ishlar vaziri Aziz Tashpulatovning aralash jang sanʼati (MMA) assotsiatsiyasining yangi raisi etib tayinlanganligi munosabati bilan mamlakatimizda ushbu sport turining yanada rivojlanishiga, professional sportchilar safini kengaytirishga hamda sogʻlom va maʼnaviy yetuk avlodni tarbiyalash yoʻlidagi saʼy-harakatlarni yangi bosqichga olib chiqishga xizmat qilishi qayd etildi.
Videokonferensaloqa shaklida oʻtgan yigʻilish davomida, MMA sport turini ommalashtirish jinoyatchilik va huquqbuzarliklarning oldini olishdagi katta ahamiyatga ega ekanligi taʼkidlandi.
Shuningdek, professional sportchilarni tayyorlashda murabbiylarning kasbiy mahoratini oshirish, soha infratuzilmasini mustahkamlash, zamonaviy sport sharoitlari bilan taʼminlash boʻyicha amaliy takliflar ilgari surildi.
Bundan tashqari yoshlarning musobaqalardagi ishtirokini munosib ragʻbatlantirish, hududlar miqyosida muntazam musobaqalar tashkil etib borish zarurligi taʼkidlandi.
Navoiy viloyati IIB Axborot xizmati