Namangan viloyati IIB rahbariyati tomonidan sohaviy xizmat xodimlarining faoliyati oʻrganilmoqda
2025-10-11 13:00:00 / Yangiliklar
Viloyat IIB ishchi guruhi tomonidan shahar va tuman ichki ishlar boʻlimlari bilan birgalikda sohaviy xizmatlarning xizmat faoliyati tahlil qilinib, aniqlangan kamchiliklarni bartaraf etish, fuqarolar hamda xodimlar uchun munosib shart-sharoitlar yaratish boʻyicha tegishli chora-tadbirlar koʻrilmoqda.
Xususan, boshqarma boshligʻi tomonidan viloyat IIB Voyaga yetmaganlarga huquqiy yordam koʻrsatish markazi hamda Migratsiya va fuqarolikni rasmiylashtirish boshqarmasi faoliyati koʻzdan kechirildi.
Oʻrganishlar davomida masʼul xodimlar bilan suhbatlashilib, Migratsiya va fuqarolikni rasmiylashtirish boshqarmasida fuqarolarga sifatli va qulay xizmat koʻrsatishni taʼminlash, Voyaga yetmaganlarga huquqiy yordam koʻrsatish markazida esa yoshlar oʻrtasida jinoyatchilikning oldini olish va profilaktika ishlarini samarali tashkil etish boʻyicha koʻrsatmalar berildi.
Namangan viloyati IIB Axborot xizmati