IIV Akademiyasi tinglovchilari uchun Jamoat xavfsizligi departamentining Muvofiqlashtirish va monitoring qilish markazida sayyor amaliy mashgʻulotlar tashkil qilindi
2025-10-09 08:00:00 / Yangiliklar
Mashgʻulotlar davomida tinglovchilar markaz faoliyati bilan yaqindan tanishdilar.
Ularga tizimda joriy etilgan zamonaviy axborot texnologiyalari, ularning imkoniyat va afzallik jihatlari haqida batafsil maʼlumot berildi.
Shuningdek, hududlarda jamoat tartibi va xavfsizligini taʼminlash, jinoyatchilikning oldini olish hamda kriminogen vaziyatni barqaror saqlash borasida amalga oshirilayotgan chora-tadbirlar atroflicha yoritib berildi.
Tinglovchilar markaz mutaxassislari bilan faol muloqotda boʻlib, oʻzlarini qiziqtirgan savollarga javob oldilar.
Ushbu amaliy mashgʻulot ularning bilim va koʻnikmalarini yanada mustahkamlash, sohadagi ilgʻor tajribalarni amaliyotga tatbiq etishga xizmat qiladi.
IIV Akademiyasi Axborot xizmati