Namangan viloyati IIB rahbariyati va yosh xodimlar oʻrtasida “Rahbar va yoshlar uchrashuvi” oʻtkazildi
2025-10-09 09:00:00 / Yangiliklar
Bugungi kunda barcha sohalarda boʻlgani kabi, ichki ishlar organlarida ham yosh xodimlarni professional kadrlar sifatida shakllantirish, xorijiy davlatlarning ilgʻor tajribalari asosida ularning bilim va malakasini oshirish, shuningdek, ularni Vatanga sadoqat va xizmat qasamyodiga sodiqlik ruhida tarbiyalash boʻyicha bir qator ustuvor vazifalar belgilab berilgan.
Shu munosabat bilan bugun Jamoat tartibini saqlash boshqarmasi binosida Namangan viloyati IIB rahbariyati tomonidan ichki ishlar organlari tizimida xizmat qilayotgan yosh xodimlar bilan “Rahbar va yoshlar uchrashuvi” tashkil etildi.
Tadbir davomida yosh xodimlarning fikr-mulohazalari, taklif va muammolari tinglandi.
Shuningdek, ularga xizmat faoliyati jarayonida xizmat intizomini mustahkamlash, qonunchilik talablariga qatʼiy rioya etish, fuqarolar bilan muomala madaniyatini oshirish hamda kasbiy mahoratni doimiy ravishda rivojlantirib borish yuzasidan tavsiyalar berildi.
Mazkur tadbir doirasida xizmatda oʻzini ijobiy tomondan koʻrsatgan bir guruh yosh xodimlar Namangan viloyati IIB rahbariyati tomonidan esdalik qoʻl soatlari, tashakkurnoma, faxriy yorliq, esdalik sovgʻalari va pul mukofotlari bilan taqdirlandilar.
Namangan viloyati IIB Axborot xizmati