“Oʻzbekistonda davlat va huquq taraqqiyoti: yangi yondashuvlar va tendensiyalar” mavzusidagi xalqaro ilmiy-amaliy konferensiya
2025-10-09 09:00:00 / Yangiliklar
Oʻzbekiston Respublikasi Kriminologiya tadqiqot instituti professori Xojimurod Tuxtamurodovich Odilqoriyevning 70-yillik yubileyiga bagʻishlangan xalqaro konferensiya boʻlib oʻtdi.
2025-yil 8-oktyabr kuni Toshkent davlat yuridik universitetida yuridik fanlar doktori, professor Odilqoriyev Xojimurod Tuxtamurodovichning 70-yillik yubileyiga bagʻishlangan “Oʻzbekistonda davlat va huquq taraqqiyoti: yangi yondashuvlar va tendensiyalar” mavzusidagi xalqaro ilmiy-amaliy konferensiya boʻlib oʻtdi.
Mazkur nufuzli anjumanda Oʻzbekiston Respublikasi Kriminologiya tadqiqot instituti ilmiy xodimlari, Oʻzbekiston Respublikasi Oliy Majlisi, Konstitutsiyaviy sudi, Adliya vazirligi, Prezident huzuridagi Davlat siyosati va boshqaruvi akademiyasi, shuningdek, Rossiya, Qirgʻiziston, Janubiy Koreya va boshqa davlatlardan taniqli olimlar ishtirok etdilar.
Tadbirda professor Xojimurod Odilqoriyevning ilmiy merosi, davlat va huquq nazariyasi rivojiga qoʻshgan hissasi, shuningdek, yosh huquqshunoslarni tayyorlashdagi xizmatlari alohida eʼtirof etildi.
Anjumanning asosiy maqsadi — davlat va huquq tizimining zamonaviy bosqichdagi rivojlanish tendensiyalarini tahlil qilish, ilgʻor xorijiy tajribalarni oʻrganish hamda milliy qonunchilikni yanada takomillashtirish yoʻllarini belgilab olishdan iborat boʻldi.
Oʻzbekiston Respublikasi Kriminologiya tadqiqot instituti