Yangi Oʻzbekiston — yangi ichki ishlar organlari. Yangi YPX maskani ochildi
2025-10-08 08:05:00 / Yangiliklar
Kosonsoy tumanining Buloq qishlogʻida barcha zarur shart-sharoitlarga ega yoʻl-patrul xizmati maskani tashkil etildi. Ushbu maʼmuriy bino Namangan viloyati IIB JXX YHXB uchinchi safarbarlik guruhi inspektorlarining faoliyat olib borishlari uchun qator qulayliklarni tugʻdirdi. Ruhiy yengillik hamda dam olish xonalari esa xodimlarning ogʻir va masʼuliyatli xizmatdan keyin kuch va gʻayratlarini tiklash, ruhiy tetiklikni saqlab qolishlariga xizmat qiladi.
Maʼlumki, ushbu safarbarlik guruhi Kosonsoy, Yangiqoʻrgʻon, Chortoq, Uychi tumanlariga xizmat koʻrsatadi. Demak, bu binoda yaratilayotgan qulayliklar nafaqat xodimlarimiz uchun, balki bevosita ushbu hududlarda yashayotgan fuqarolarimizning osoyishtaligi, xavfsizligi va farovon hayot kechirishlarini taʼminlashga ham xizmat qiladi.
Rivojiddin QODIRALIYEV, kapitan.