Jizzax viloyati IIB rahbariyati tomonidan navbatdagi shaxsiy qabul oʻtkazildi
2025-10-06 09:00:00 / Yangiliklar
Jizzax viloyati IIB boshligʻi general-mayor Gʻayrat Qodirov haftaning yakshanba kuni shaxsiy qabul oʻtkazmoqda.
Navbatdagi qabulda 25 ga yaqin jismoniy va yuridik shaxslarning vakillari oʻzlarini qiynayotgan qator masalalarni hal etishda koʻmak soʻrashdi.
Xususan, ish kirish, ish joyini oʻzgartirish, qonunbuzar va firibgarlarni javobgarlikka tortish kabi masalalar koʻtarildi. 5 nafar yoshlar esa IIOda xizmat qilish istagi borligini aytishdi.
Har bir masala masʼullar ishtirokida koʻrib chiqilib, murojaatlarni oʻz vaqtida hal etish boʻyicha mutasaddilarga vazifalar yuklatildi va ijrosi nazoratga olindi.
Jizzax viloyati IIB Axborot xizmati