Oʻzbekiston Aralash jang sanʼati (MMA) assotsiatsiyasining Qashqadaryo viloyati boʻlinmasi uchrashuv oʻtkazildi
2025-10-05 14:50:00 / Yangiliklar
Qashqadaryo viloyati IIB boshligʻi, polkovnik Abduvohid Ismoilov Oʻzbekiston Aralash jang sanʼati (MMA) assotsiatsiyasining viloyat boʻlinmasi sportchilari va murabbiylari bilan uchrashuv oʻtkazdi. Tadbirda sport sohasidagi mavjud muammolar, murabbiylarning malaka oshirishi, sport infratuzilmasini mustahkamlash, yoshlarni sogʻlom turmush tarziga jalb etish masalalari muhokama qilindi.
Uchrashuv davomida boshqarma boshligʻi sportning yoshlar hayotidagi ahamiyatini taʼkidlab, “Sport – tinchlik va tarbiya manbai” ekanini alohida qayd etdi. Sportchilar uchun zamonaviy sport zali tashkil etish, zarur jihozlar bilan taʼminlash hamda yoshlar oʻrtasida musobaqalar sonini koʻpaytirish yuzasidan takliflar bildirildi.
Uchrashuv yosh sportchilarni qoʻllab-quvvatlash, ularning salohiyatini yuzaga chiqarish va MMA sportini viloyatda yanada ommalashtirish yoʻlida muhim qadam boʻldi.
Qashqadaryo viloyati IIB Axborot xizmati