Navoiy viloyati Qiziltepa tumanida mavsumga tayyorgarlik darajasi va kriminogen vaziyat oʻrganildi
2025-10-05 12:50:00 / Yangiliklar
Tuman markazida joylashgan aholi gavjum boʻladigan bozor va savdo markazlari hududlari koʻzdan kechirilib jinoyatchilik va huquqbuzarliklarni oldini olish boʻyicha bir qator tavsiyalar berildi.
Soʻng Qiziltepa tumani Ichki ishlar boʻlimida boʻlib, tezkor-tergov guruhi tarkibi, navbatchilik qismi shuningdek, fuqarolardan kelib tushgan ariza va shikoyatlar bilan tanishdi.
Bundan tashqari tuman Tibbiyot birlashmasi va “Baxt tekstil” korxonasining kuz-qish mavsumiga tayyorgarlik darajasi oʻrganilib, isitish tizimidagi ayrim kamchiliklarni bartaraf etish lozimligi taʼkidlandi.
Oʻrganish davomida masʼullarga fuqarolar xavfsizligini taʼminlash, ularga sifatli xizmat koʻrsatish boʻyicha bir qator topshiriqlar berildi.
Navoiy viloyati IIB Axborot xizmati