Namangan viloyati IIB rahbariyati tomonidan Namangan tumanida oʻrganish ishlari olib borildi
2025-10-04 12:20:00 / Yangiliklar
Namangan viloyati Ichki ishlar boshqarmasi boshligʻi rahbarligidagi ishchi guruh tomonidan viloyatning barcha shahar va tumanlarida ichki ishlar organlari xodimlarining tungi faoliyati, shuningdek, ijtimoiy soha obyektlaridagi xavfsizlik holatini oʻrganish ishlari izchil davom ettirilmoqda.
Xususan, Namangan tumanida olib borilgan oʻrganishlar jarayonida jamoat xavfsizligini taʼminlash, jinoyatchilikni oldini olish va muhim toifadagi obyektlarning qoʻriqlanishini samarali tashkil etish maqsadida xizmatga jalb etilgan xodimlarning faoliyati oʻrganildi.
Oʻrganishlar davomida tuman markazida xizmat olib borayotgan va “Agrobank” binosini qoʻriqlashga jalb etilgan xodimlar bilan suhbat oʻtkazildi, ularga belgilangan tartibda topshiriq berildi.
Shuningdek, tuman IIB Navbatchilik qismi koʻzdan kechirilib, xizmatga jalb etilgan xodimlar tomonidan tungi xizmatni samarali tashkil etish, kelib tushayotgan xabarlar yuzasidan zudlik bilan tegishli choralarni koʻrish masalalari tanqidiy muhokama qilindi va masʼullar zimmasiga aniq vazifalar yuklatildi.
Bundan tashqari, tuman elektr tarmoqlari korxonasida ham oʻrganish ishlari olib borilib, masʼul xodim va mutaxassislarning kuz-qish mavsumiga tayyorgarlik darajasi tahlil qilindi. Aholini uzluksiz elektr energiyasi bilan taʼminlash maqsadida zaruriy ehtiyot qismlar zaxirasini shakllantirish boʻyicha koʻrsatmalar berildi.
Shu kabi oʻrganish ishlari viloyatning boshqa shahar va tumanlarida ham bosqichma-bosqich davom ettirilmoqda.
Namangan viloyati IIB Axborot xizmati