IIV rahbariyati tomonidan hududlarda oʻtkazilayotgan keng koʻlamli profilaktik tadbir doirasida Qashqadaryo viloyatida jinoyatchilikka qarshi kurashish va xavfsizlikni taʻminlash masalalari koʻrib chiqildi
2025-09-30 15:00:00 / Yangiliklar
Ichki ishlar vaziri oʻrinbosari general mayor Baxodir Yuldashevich Mirzaraximov huzurida Respublika miqyosida oʻtkazilayotgan “Xavfsiz hudud dolzarb 20 kunlik” tezkor maxsus profilaktik tadbiri davomida amalga oshirilishi lozim boʻlgan ishlar muhokama qilindi.
Yigʻilishda boshqarma boshligʻi, oʻrinbosarlari, sohaviy xizmatlar rahbarlari, hududiy ichki ishlar organlar rahbariyati hamda shaxsiy tarkib ishtirok etdi.
Tanqidiy tahliliy-tarzda oʻtgan muhokamada dastlab, joriy yilning oʻtgan davri mobaynida viloyat hududida jinoyatchilikka qarshi kurashish, huquqbuzarliklarni oldini olish borasida amalga oshirilgan ishlar muhokama qilindi.
Jarayonda 2025-yil yakuniga qadar Qashqadaryo viloyatida jinoyatchilikning barvaqt oldini olishga doir mahalla, tuman-shahar, xizmat soha hamda viloyat kesimida ishlab chiqilgan yoʻl xaritalari, shuningdek, yangi loyihalar, kuch vositalar va moddiy-texnika taʼminotini yaxshilash boʻyicha qilingan takliflar muhokama qilindi.
Ichki ishlar vaziri oʻrinbosari bildirilgan taklif hamda mulohazalarga nisbatan oʻzining tavsiyalarini berib, yoʻl qoʻyilgan kamchiliklardan zaruriy xulosa chiqarib, berilgan vazifa va topshiriqlarni vijdonan bajarish, fuqarolar xavfsizligi hamda huquqbuzarlik va jinoyatlarni barvaqt oldini olish boʻyicha topshiriqlar berdi.
Yigʻilish yakunida koʻtarilgan har-bir masala yuzasidan tegishli sohaviy xizmatlar masʼullari, hududiy ichki ishlar organlari rahbarlariga aniq topshiriqlar berilib, har bir topshiriqni bajarib axborot berish, bunda rahbarlar qoʻl ostidagi shaxsiy tarkibning kundalik vazifalarini toʻgʻri taqsimlagan holda nazorat qilishlari yuzasidan koʻrsatmalar berildi.