Namangan viloyati IIB rahbariyati boshchiligidagi ishchi guruh Chust tumanida oʻrganish ishlari olib bordi
2025-09-30 09:00:00 / Yangiliklar
Hududlarda ichki ishlar organlari xodimlarining tungi faoliyatini oʻrganish ishlari doimiy ravishda davom etib, masʼul rahbar va xodimlarga jinoyatchilikning oldini olish va tungi xizmatni samarali tashkil etish boʻyicha topshiriq hamda koʻrsatmalar berib kelinmoqda.
Bugun boshqarma boshligʻi rahbarligidagi ishchi guruh Chust tumanining “Kamarsada” mahallasida tashkil etilgan 1-son “Huquq-tartibot maskani” hamda shahar markazida tungi xizmatga jalb etilgan xodimlarning faoliyatini atroflicha oʻrgandi.
Ularga tungi faoliyat davomida PQ-1 va PQ-253-son Qarorlari asosida xizmat olib borish va boshqa muhim masalalar boʻyicha aniq topshiriqlar berildi.
Shuningdek, Pungon–Namangan avtomobil yoʻlining “Chustnon–Doʻstlarobod” mahallasi hududidan oʻtgan qismida xizmat olib borayotgan yoʻl-patrul xizmati xodimlarining faoliyati ham tekshirilib, ularga xizmatni samarali tashkil etish boʻyicha aniq vazifalar belgilab berildi.
Bu kabi oʻrganish ishlari viloyatning boshqa hududlarida ham davom etmoqda.
Namangan viloyati IIB Axborot xizmati