Ichki ishlar organlarida xalqaro reyting va indekslar bilan ishlash boʻyicha maxsus oʻquv-seminar mashgʻuloti oʻtkazildi
2025-09-30 09:00:00 / Yangiliklar
Shu jumladan, Ichki ishlar vazirligida xalqaro reyting va indekslar bilan ishlash boʻyicha yangi amaliyot yoʻlga qoʻyilmoqda.
Mazkur jarayonni samarali tashkil etish, masʼul xodimlarning kasbiy salohiyatini oshirish hamda ilmiy-uslubiy koʻnikmalarini mustahkamlash maqsadida Kriminologiya tadqiqot institutida maxsus oʻquv seminar mashgʻuloti oʻtkazildi.
Seminar davomida:
- xalqaro reyting va indekslar bilan ishlashning zamonaviy mexanizmlari, ilgʻor xorijiy tajribalar va ularni Oʻzbekiston amaliyotiga tatbiq etish masalalari muhokama qilindi;
- ichki ishlar organlari tizimida mazkur yoʻnalishga masʼul qilib biriktirilgan xodimlar ishtirok etdi;
- amaliy misollar, yangi uslub va metodlar boʻyicha maxsus taqdimotlar ham oʻtkazildi.
Ushbu tashabbus ichki ishlar organlari faoliyatida ochiqlik, shaffoflik va samaradorlikni taʼminlash, xalqaro maydonda Oʻzbekistonning ijobiy imijini mustahkamlashga xizmat qiladi.
Oʻzbekiston Respublikasi Kriminologiya tadqiqot instituti