Namangan viloyati IIB rahbariyati tomonidan xodimlarning tungi faoliyati Toʻraqoʻrgʻon tumanida oʻrganildi
2025-09-27 09:00:00 / Yangiliklar
Viloyatning barcha shahar va tumanlarida olib borilayotgan tizimli oʻrganishlar davomida tungi xizmatni samarali tashkil etish hamda jinoyatlarning oldini olish boʻyicha aniq yoʻnalishlar va koʻrsatmalar berilmoqda.
Jumladan, boshqarma rahbariyati tomonidan Toʻraqoʻrgʻon tumanida oʻtkazilgan oʻrganishlar davomida tuman IIB hamda boshqa hamkor tashkilotlar xodimlari tomonidan tungi xizmatning tizimli tashkil etilgani tahlil qilindi.
Oʻrganish jarayonida “Yangiobod” mahallasi hududida tungi xizmatga jalb etilgan va Qoʻriqlash boʻlimi xodimlarining xizmat faoliyati tekshirilib, ularga tegishli koʻrsatmalar berildi. Shuningdek, “Isʼhoqxon Ibrat” nomidagi ijod maktabida oʻquvchilar uchun yaratilgan sharoitlar va qoʻriqlashga jalb etilgan xodimlarning faoliyati ham oʻrganildi.
Shu bilan birga, tuman IIB rahbariyati va xodimlariga tungi vaqtlarda hushyor xizmat olib borish, jinoyatchilikka qarshi kurashish hamda mahallalarda xavfsiz muhitni shakllantirish yuzasidan aniq topshiriqlar berildi.
Namangan viloyati IIB Axborot xizmati